Кәсіби білімді мұғалім қоғам талаптарына сәйкес болуы үшін өзінің білімін жетілдіру, шығармашылық даму шараларын жүзеге асыра білуі қажет. Нағыз мұғалім - өзін-өзі дамытып отыратын тұлға. Мектепте "Мектепшілік біліктілік көтеру жүйесін ұйымдастыру арқылы мұғалімдердің кәсіби дамуының артуы негізінде мұғалім жұмысының тактикасы мен стратегиясы" деген әдістемелік кеңес өткізілді. Мектеп мұғалімдері бірнеше топта жұмыс істеп, өз ойларын ортаға салып, әріптестерімен тәжірибе алмасты. Әдістемелік кеңес соңында өздерінің жұмыстарына кері байланыс жасап, "өте жақсы" деген баға берді.
